O Vilalbés corta a
súa mala xeira de resultados cun empate ante o Ordes
A pesares das múltiples baixas, os chairegos lograron un
bo resultado ante un equipo ordense moi serio e disciplinado
RÁCING VILALBÉS
|
1
|
1
|
S.D. ORDES
|
José
Ángel
Diego
López
Suso
Roberto
Prieto
Álex
Hugo
Vicente
Justino
Erni
Rafita
Dani
Nico 83’
ADESTRADOR:
Jesulín
(por sanción de Charly)
|
Mario
Álex
Castro
Fiuza
Rubén
Cea
Baleato
Ángel
Padín
Petter
Antas
Dani
Regos
Pablo
Piñeiros 65’
ADESTRADOR:
Nacho
|
||
GOLES
|
|||
0-1
(min. 5’)
Córner botado polo equipo ordense que remata o
central Fiuza tras un erro na marcaxe por parte da zaga local
1-1
(min. 66’)
Erni recibe un pase dende a medular, desfaise do
seu defensor e bate a Mario cun gran disparo colocado á súa esquerda
|
|||
ARBITRAXE
|
|||
ÁRBITRO:
Botana Rey, colexio santiagués (NOTABLE)
Amonestou a Diego López, Hugo e Nico por parte
dos locais e a Cea, Petter, Baleato e Fiuza polo equipo visitante
|
|||
INCIDENCIAS
|
|||
Encontro da XXIII xornada do Grupo 1 de Terceira
División desputado no Estadio Municipal de A Magdalena en Vilalba.
Clima soleado con temperatura fría.
|
A CRÓNICA
O Rácing Club Vilalbés logrou pór fin á súa
dinámica perdedora cun sufrido empate ante un equipo, o do S.D. Ordes, que se
amosou moi forte ó longo do encontro. Os coruñeses lograron adiantarse no
encontro e, aínda que tiveron varias ocasións para lograr a victoria, a fortuna
aliouse cos locais, que lograron igualar o partido mediada a segunda parte,
unhas táboas que serviron para contentar
a ámbolos dous conxuntos.
O
partido comezou cun Rácing moi impreciso, con moitos erros de marca e
demasiadas indecisións defensivas. No minuto 5, un córner botado polo equipo
ordense foi rematado a pracer polo central Fiuza, e confirmou os peores temores
da parroquia vilalbesa.
Lance do partido entre Vilalbés e Ordes (J.Vázquez/El Progreso) |
Durante
o resto da primeira metade, o conxunto de Charly (que tivo que ver o partido
desde a grada por sanción) non foi capaz de levar o peso do encontro, e
soamente se achegou timidamente á meta de Mario mediante disparos frouxos a
media e longa distancia. Tralo gol, o Ordes soamente se achegou unha vez de
xeito perigoso, no minuto 25, cun bo tiro desde a frontal que propiciou unha
gran parada de José Ángel.
Na
segunda metade, o Rácing Vilalbés logrou coller o temón e inquedou moito máis á
defensa coruñesa. Nos primeiros minutos, Vicente tivo dúas claras ocasións para
empatar o partido, pero non foi quen de finalizar. O Ordes tamén se achegou á
área local cunha perigosa falta botada por Padín no minuto 53 que marchou preto
da escadra racinguista, pero a ocasión máis clara chegaría dez minutos máis
tarde, tras un taconazo espectacular de Baleato que José Ángel rematou
despexando coa testa de xeito afortunado.
Mediado
o segundo tempo, no minuto 66, o dianteiro racinguista Erni logrou controlar un
balón enviado desde a medular, marchar dos defensas ordenses e finalmente batir
a Mario cun gran disparo colocado. Tralo gol do empate, o Vilalbés intentou ir
a polo encontro dando entrada a Nico, que tivo algunhas oportunidades para
lograr a victoria dos locais, aínda que o marcador non se volveu mover en toda
a tarde.
Ó final, o reparto de puntos entre
Rácing e Ordes serviu para poñer fin á xeira negativa de resultados do equipo
vilalbés e tamén para confirmar as boas sensacións dun conxunto ordense que
está a lograr importantes éxitos ante rivais moi complicados.
Premio
Para o colexiado Botana Rey. Moi seguro e acertado
nas súas decisións. Deixou xogar e non provocou xogadas polémicas.
Castigo
Para a primeira metade do conxunto local. Moitos
erros e imprecisións provocados pola ansiedade e a falta de concentración.
Mazazo
Para Baleato. Tivo o 0-2 nas súas botas, pero o
seu remate acrobático de calcaño atopouse coa cara do meta José Ángel.
PALABRA
DE TÉCNICO
“Debemos mellorar resultados para rematar coa
ansiedade”
Carlos
Alberto Díaz Reboiro ‘Charly’
Rácing
Club Vilalbés
“Vimos dunha mala dinámica, e xa nos primeiros
minutos púxosenos o partido costa arriba. Na primeira parte faltou fluidez,
algo provocado porque, mentalmente, chegamos ó partido con moita ansiedade. Aínda
que temos moitas baixas por lesións e sancións, estas non son escusa para
xustificar os malos resultados. Tralo paso polo vestiario houbo un cambio a
mellor, xa que logramos dar amplitude ó campo e ter o control do balón. Con
respecto ó colexiado, un dez para Botana, moi acertado e pouco protagonista;
deixou xogar ós dous equipos”.
José
Ignacio Fernández Pacios ‘Nacho’
S.D.
Ordes
“Houbo momentos no que estivemos máis preto do 0-2
ca do empate. Tivemos ocasións para lograr a victoria nun campo moi complicado,
contra un rival difícil, polo que hai que estar contentos. Tralas últimas
xornadas atopamonos ben e, a pesar de termos un plantel curto, no que
precisariamos máis fondo de armario, o certo é que amosamos un bo nivel de
xogo. Hoxe estivemos mellor ca eles, pero penso que o Rácing ten equipo para
estar nos postos altos da táboa”.
O
PROTAGONISTA
Mediocentro do Rácing Vilalbés
“Temos que comezar a gañar para non perder o tren da
liga”
Quizáis non foi a súa mellor actuación da
temporada pero, trala sanción do capitán Pablo Vivero (tres partidos), é o
encargado de dirixir ó equipo dentro do campo. A remontada ante o Ordes non
sería o mesmo sen a súa capacidade de mando na medular.
É
importante este resultado tralas últimas derrotas?
É positivo, sobre todo porque remontamos, e o
certo é que puntuar sempre conta. Aínda así, nos buscabamos un punto de
inflexión, cunha victoria, logrando os tres puntos. As sensacións son agridoces,
xa que levabamos unha dinámica mala e agora o equipo está mellorando.
Esa
mellora tamén se notou entre a primeira e a segunda metade do encontro...
Houbo varios cambios tralo descanso: arranxamos
desaxustes, pasamos a xogar con dous puntas, con máis caída en banda, e
logramos meter ó Órdes na súa área durante boa parte dos segundos 45 minutos.
Hoxe o
partido non destacou pola polémica arbitral. Aínda así, queda a resaca das
xornadas anteriores?
Queda, pero xa non só polas decisións arbitrais,
senón pola mala dinámica do equipo. Quedache a espiña de ‘a ver se damos
arrancado, a ver se reaccionamos’, porque vemos que os demáis equipos tamén
fallan, e temos que aproveitar iso. Necesitamos tres ou catro xornadas
puntuando de tres en tres para engancharnos á liga.
E non
será complicado, tendo en conta as múltiples baixas?
A verdade é que formamos unha plantilla moi
equilibrada e moi competitiva, polo que os postos sempre quedan suficientemente
ben cubertos. Aínda así, é certo que xa pola semana non se pode adestrar coa
intensidade habitual, porque hai moita xente tocada e esa xente é importante.
Sobre todo nas malas rachas nótase moito.
Chega
agora un mes de febreiro ante rivais incómodos, e despois aínda quedan Ferrol, Cerceda e Deportivo, todos
consecutivos. Hai medo?
Nós queremos cambiar a dinámica, polo que vamos
enfrontar todos os partidos de ti a ti. Esa é a única maneira de coller o tren
da liga para poder estar entre os catro primeiros.
No hay comentarios:
Publicar un comentario